Балалардың жұмыстары көрермендерді ертегі мен арман әлеміне саяхат жасап, еркіндік пен тәуелсіздіктің маңызын еске салып қана қоймай, ең кішкентай оқушылардың да өнер арқылы өз ойлары мен сезімдерін білдіруге қабілетті және олардың өнері назар аударуға, құрметтеуге лайық екенін көрсетуге бағытталған.

Экспозицияға майлы кескіндеме, аквакескіндеме және графика негізінде орындалған 32 жұмыс қойылған. Бұл туындылар жас суретшілердің сарқылмас шығармашылық қиялын және әлемді өзіндік қабылдауын көрсетеді. Көрмеге қатысушылардың әрқайсысы жасына қарамастан көркем образдар жасау арқылы өзінің ерекше көзқарасын көрсете білген.

Көрмені ҚР Мемлекеттік орталық музейі директорының орынбасары Анна Викторовна Кущенко ашып: «КAU School оқушыларының ерекше еңбегі  олардың дарындылығын ғана емес, сонымен қатар тәуелсіздік идеяларын терең түсініп, оны шығармашылық тұрғыда жеткізе алғандарын көрсетеді. Музей мен мектеп арасындағы осындай ынтымақтастық жас буынның мәдени және рухани дамуына үлес қосады» — деді. Сонымен қатар, ашылу салтанатында ҚАУ мектебінің директоры Сабирдинова  Сабина Әділханқызы оқушыларды алғашқы көрмесімен құттықтап: «Бұл көрме – біздің оқушыларымыздың таланты мен қажырлы еңбегінің нәтижесі. Біз олардың Орталық музейде өз шеберліктерін көрсетуіне мүмкіндік бергені үшін музей ұжымына шын жүректен алғыс білдіреміз» — деді.  Салтанатты шараға оқушылар, олардың ата-аналары, мұғалімдері қатысты.

«Тәуелсіздіктің түстері: біздің балаларымыздың өнерінде» көрмесі 2024 ж. 20 желтоқсанына дейін жалғасады.